ما انتبهت

ما انتبهت وقلت اسمه فز قلبي بالغلط
وسكت ولمت نفسي وما حكى فيني لسان
كني الغافل في حاله وعلى راسه انخبط
كن هذا الاسم صحى كل ماضيه اللي كان

بين دمعه وابتسامه ضحكي وبكاي اختلط
اه ما احلى ذكرياتي قبل راعيها ما خان
كل اسم ماهو اسمه عمره فيني ما ارتبط
كم مسحته من شجاعه وناسي ان قلبي جبان

ايه أحبه ايه خاين وما في أي كلمه وسط
ايه أحن وايه أقسى مره ثنتين وثمان
ايه اسمه وسط قلبي عمره ما سهواً وسقط
هان جرحي وانا أشوفه لكن الجاي ما بان

التبليغ عن خطأ